Թուրքիայի նախագահ Ռեջեփ Թայիփ Էրդողանը Պոլսո հայոց պատրիարք Սահակ եպիսկոպոս Մաշալյանին և երկրի հայ համայնքի անդամներին հղված ուղերձում ցավակցություն է հայտնել 1915-ին Օսմանյան կայսրությունում զոհված հայերի ժառանգներին:
«Ես հարգանքով հիշում եմ օսմանյան հայերին, որոնք զոհվել են դժվարին պայմաններում Առաջին աշխարհամարտի ժամանակ, և որը մեծ տառապանք է բերել աշխարհի ժողովուրդներին, անկեղծ ցավակցություն եմ հայտնում նրանց թոռներին»,- Էրդողանի խոսքը մեջբերում է РИА Новости-ն:
Նրա խոսքով՝ հայերի և թուրքերի ընդհանուր նպատակն է «ապագայի կառուցումը բարեկամության հիման վրա, որն իր արմատներն անցյալում է գցել»:
«Մենք գիտենք այն շրջանակները, որոնք անտեսում են մեր միասնությունը և փորձում են թշնամություն սերմանել պատմական հողի վրա: Մենք ցանկանում ենք ստեղծել միասնությամբ և հանգստությամբ լի ապագա, և մեր գլխավոր ցանկությունը հնարավորություն չտալն է նրանց, ովքեր այլ նպատակներ են հետապնդում»,- ասվում է Էրդողանի հայտարարության մեջ:
Tert.am
Leave a Reply