«Թուրքիան դիտավորյալ թաքցնում է Հայոց ցեղասպանության փաստերը»: Այս մասին Al Arabiya հեռուստաալիքի հետ զրույցում ասել է պատմաբան Թաներ Աքչամը:
Նրա խոսքով՝ Թուրքիայի կառավարությունը թաքցնում է Ցեղասպանության մասին պատմող հեռագրերը, որոնք օգտագործվել են 1919 թվականին Ստամբուլում ռազմական տրիբունալի ընթացքում:
Ռազմական տրիբունալի ժամանակ, Աքչամի խոսքով, այդ հեռագրերի մեջբերումների հիման վրա պետական մեղադրողները գրել են մեղադրական ակտեր և դատավճիռներ։
Աքչամը նշել է, որ փաստաթղթերը գտել է ոչ թե մասնավոր, այլ ՝պետական արխիվներում: Պատմաբանը հավելել է, որ Թուրքիայում քաղաքացիական ակտիվիստները պայքարում են Հայոց ցեղասպանության ճանաչման համար՝ ժողովրդավարության և մարդու իրավունքների համար պայքարի հարցով իրենց ջանքերի շրջանակում:
Leave a Reply