Ֆրանսիայի նախագահ Էմանուել Մակրոնը չի հրաժարվում Հայոց ցեղասպանության ժխտման քրեականացման գաղափարից։ Այս մասին նա հայտարարել է հունվարի 29-ին՝ ելույթ ունենալով Ֆրանսիայի Հայկական կազմակերպությունների համակարգող խորհրդի (CCAF) կազմակերպած միջոցառման ժամանակ։
Ինչպես տեղեկացնում է Nouvelles dArmenie-ն, խոսելով Հայոց ցեղասպանության ժխտման քրեականացման՝ հայկական համայնքի համար կարեւոր թեմայի մասին՝ Ֆրանսիայի նախագահը նշել է, որ որոշակի աշխատանք կատարվում է, մինչեւ որ կգտնվի համապատասխան օրենքի ընդունման իրավական ճանապարհը։
«Եվ ես ձեզ ցանկանում եմ հանգստացնել. ես այն մարդը չեմ, որ հրաժարվեմ բարդ լուծումներից, անգամ մանդատիս վերջում»,- ավելացրել է Էմանուել Մակրոնը։
Leave a Reply