Թուրքիայի քաղաքացին հայերի դեմ ռասիստական գրությունն օգտագործել է Գերմանիայում ապաստան ստանալու նպատակով

Թուրքիայի Թունջելի (Դերսիմ-Ակունքի խմբ․) նահանգի Փերթեք (Բերդակ-Ակունքի խմբ․) շրջանում միայնակ ապրող 66-ամյա մի կնոջ՝ Քումրու Աքքայայի տան դռան վրա անհայտ անձը օրեր առաջ գրել էր «Սատկիր, հայի վիժվածք» և դռան մոտ թողել մեկ փամփուշտ։

Ըստ թուրքական աղբյուրի՝ ոստիկանության հետաքննությամբ պարզվել է, որ հիշյալ գրառումն արվել է հենց այդ կնոջ որդու՝ Յուսուֆ Ինան Աքքայայի խնդրանքով։

Նշվում է, որ Աքքայան խնդրել է Թուրքիայում ապրող իր ազգականին այդպիսի բովանդակությամբ գրություն թողնել իրենց դռան վրա, որպեսզի ինքը Գերմանիայում կարողանա ապաստան ստանալ։

Հաղորդվում է, որ Աքքայան Գերմանիայում է գտնվում 2015թ-ից: Գերմանական պատկան մարմիններին ներկայացել է որպես ալևի և տեղեկացրել, որ ալևիների կյանքի անվտանությունը Թուրքիայում ապահովված չէ։

NTV

Ermenihaber.am