Թուրքիայում իշխող Արդարություն և զարգացում (AKP-ԱԶԿ) կուսակցությունը նահանգային կառույցներում վերջերս կադրերի պակաս է ունենում, որը պատրաստվում է լրացնել իր խորհրդարանական դաշնակից Ազգայնական շարժում (MHP-ԱՇԿ) կուսակցության կադրերով:
Կադրերի պակասը պայմանավորված է այն բանով, որ իշխող կուսակցության կադրերից են նշանակվում «հոգաբարձուներ» կամ պետական կառավարիչներ:
Պետական կառավարիչները պետության կողմից նշանակվում են այն ընտրովի` ՏԻՄ պաշտոնյաների փոխարեն, ովքեր պաշտոնանկ են արվում իրենց վրա հարուցված տարբեր քր. գործերի հետևանքով:
Վերջին ՏԻՄ ընտրություններից հետո քրդամետ Ժողովուրդների դեմոկրատական կուսակցությունից ընտրված մեծ թվով քաղաքապետեր, համայնքապետեր ու ավագանու անդամներ պաշտոնանկ են արվել Քուրդիստանի բանվորական կուսակցություն (PKK-ՔԲԿ) ռազմաքաղաքական կազմակերպության հետ ունեցած կապերի մեղադրանքով:
Նշվում է, որ Չանաքքալե նահանգում արդեն մեկ ամիս է՝ չի ստացվում լրացնել պետական պաշտոնյաների պահանջվող քանակը, ինչի արդյունքում ԱԶԿ-ի կենտրոնական խորհուրդը դիմել է ԱՇԿ-ին՝ նահանգում որոշ ՏԻՄ պաշտոներում նշանակելու համար կադրեր տրամադրելու խնդրանքով: Նշվում է, որ ԱՇԿ-ն չի մերժել ԱԶԿ-ի առաջարկը:
Աղբյուր` Demokrathaber.org
Ermenihaber.am
Leave a Reply