Եթե Դավութօղլուն խոսի, Թուրքիայի պատմությունը կվերաշադրվի. Էթյեն Մահչուփյան

Թուրքիայի նախկին ԱԳՆ ղեկավար և վարչապետ Ահմեթ Դավութօղլուի կողմից նորաստեղծ Ապագա կուսակցության փոխնախագահ Էթյեն Մահչուփյանը թուրքական T24.com.tr կայքի տված հարցազրույցի ընթացքում անդրադարձել է երկրի ներքաղաքական կյանքին:

«Եթե Դավութօղլուն պատմի իր հետ տեղի ունեցածներն ու այն, ինչ գիտի, ապա մեր պատմության վերջին շրջանը նորից, բայց արդեն այլ ձև կգրվի: Գիտեմ, որովհետև որոշ մասերը լսել եմ, բայց պատմելն իմ գործը չէ», – նշել է Դավութօղլուի կառավարությունում վարչապետի խորհրդականի պաշտոնը ժամանակին զբաղեցրած Մահչուփյանը:

Նշենք, որ Էրդողանի կառավարությունում ժամանակին ԱԳՆ ղեկավար աշխատած Դավութօղլուն, ով հեղինակել է բազմաթիվ գրքեր Թուրքիայի աշխարհաքաղաքական ուղղվածության մասին, համարվում է Էրդողանի իշխանության օրոք մեկնարկած արտաքին քաղաքական վեկտորի հեղինակը, և նույնիսկ Էրդողանի կուսակցությունից հեռանալուց հետո էլ Թուրքիան իր արտաքին քաղաքականությունն իրականացնում է մեծամասամբ Դավութօղլուի՝ դաշտ բերած մոտեցումներով:

Մահչուփյանը նաև անդրադարձել է իշխող Արդարություն և զարգացում կուսակցության և ազգայնամոլական Ազգայնական շարժում կուսակցության (գորշ գայլեր) միջև կոալիցիային` նշելով, որ Էրդողանն ավելի շատ է կախված ԱՇԿ-ից, քան ԱՇԿ-ն Էրդողանից, և նախագահն արդեն միայնակ է մնացել:

https://www.yerkir.am/news/view/189888.html