Թուրքիայի խորհրդարանի հայ պատգամավոր Կարո Փայլանն անդրադարձել է 2011–ի ապրիլի 24–ին Թուրքիայի զորամասերից մեկում ծառայակցի կողմից սպանված հայ զինվորի գործով դատավճռին։
Կարո Փայլանը գրել է. «Հայոց ցեղասպանության 96–րդ տարելիցին Սեւակը սպանվեց ազգայնականության հողի վրա։ Արդարության համար 8 տարվա պայքարի արդյունքում մարդասպանն այսօր դատապարտվեց 16 տարի 8 ամիս ազատազրկման։ Սեւակին սպանողը պատիժ ստացավ, բայց Սեւակին սպանության դրդող մթնոլորտը շարունակվում է»։
Նշենք, որ քաղաքացիական դատարանը որոշում է կայացրել ամբաստանյալ Քըվանչ Աղաօղլուին դատապարտել 16 տարի 8 ամիս ազատազրկման։
Հենց դատարանում Քըվանչ Աղաօղլուն կալանավորվել է։
Ավելի վաղ, ռազմական դատարանը Քըվանչ Աղաօղլուին դատապարտել էր ընդամենը 4 տարի ազատազրկման եւ ազատ արձակել դահլիճից։
Սեւակի ծնողների բողոքներից հետո գործը տեղափոխվել է քաղաքացիական դատարան, եւ նոր քննություն սկսվել։
Leave a Reply