«Կոստանդնուպոլիս» բեմադրությունը Լոս Անջելեսում Broadway World Awards երեք մրցանակի է արժանացել, հայտնում է asbarez.com-ը՝ մանրամասնելով որ հանրային քվեարկությունը տևել է վեց շաբաթ:
«Բեմադրության լավագույն ռեժիսոր» անվանակարգում հաղթել է Արամ Կույումջյանը, մինչդեռ գլխավոր դերակատարներ Թրևիս Լոֆլինն ու Եվա Աբրահամյանը պարգևատրվել են որպես բեմադրության լավագույն դերասան և դերասանուհի:
«Կոստանդնուպոլիս»-ը բեմադրվել է անցած աշուն: Այն ներկայացնում է Հայոց ցեղասպանությունից հետո նախկին Օսմանյան կայսրության մայրաքաղաքում հայկական համայնքի կյանքը:
Պատմությունը ծավալվում է ֆեմինիստական ամսագրի խմբագիր Վեհանուշի և ֆիդայի Ռուբենի շուրջ: Նրանք համակարգում են Ցեղասպանության ժամանակ առևանգված հայ կանանց և երեխաներին վերադարձնելու, ինչպես նաև Հայաստան զենք ուղարկելու գործողությունները:
Թատերագետներն այս ներկայացումը բավականին բարձր են գնահատել՝ ընդգծելով հրաշալի սցենարն ու ռեժիսորի, դերասանական կազմի տաղանդը
https://www.tert.am/am/news/2020/01/10/award/3181593
Leave a Reply