Քրդամետ կուսակցություն. «Ոչ մի կապ չունենք Դավութօղլուի նոր կուսակցության աշխատանքների հետ»

Թուրքիայում ընդդիմադիր ուժ համարվող քրդամետ Ժողովուրդների դեմոկրատական կուսակցության (HDP-ԺԴԿ) խորհրդարանական խմբակցության ղեկավար Սարուհան Օլուչը հերքել է իր մասին շրջանառվող այն լուրերը, թե ինքը մասնակցել է նախկին վարչապետ Ահմեթ Դավութօղլուի հիմնած նոր կուսակցության խորհրդի նիստին:  

Ազգայնական իշխանամետ «Yeni Akit» թերթը դեկտեմբերի 20-ին «Ահա և Ահմեթ Դավութօղլուի «Ապագան». Տեսեք ու՞մ հետ է սեղան նստում» վերնագիրը կրող լուրի մեջ պնդել էր, որ Սարուհան Օլուչը ներկա է գտնվել Դավութօղլուի հիմնած Ապագա (Gelecek) կուսակցության հիմնադիր խորհրդի նիստին:

Օլուչը, ի պատասխան սրա, ասել է. «Նախ և առաջ, ես այդ օրը ներկա եմ եղել 2020թ. բյուջեի օրենքի նախագծի քննարկմանը, և երկրորդն էլ` ոչ իմ կուսակցությունը, ոչ էլ ես որևէ կապ չունենք նախկին վարաչապետի կուսակցության աշխատանքների հետ»:

Նա նշել է, որ այս լուրի հեղինակները սպասարկում են իշխանության շահերը:

«Այս մանիպուլյատիվ աշխատանքը խստորեն դատապարտում եմ»,-ասել է Օլուչը:

Demokrathaber.org

Ermenihaber.am