Հայերին այստեղ որպես ահաբեկիչ են որակում. Փայլան

Թուրքիայի Ազգային մեծ ժողովի պատգամավոր, քրդամետ Ժողովուրդների դեմոկրատական կուսակցության անդամ Կարո Փայլանը Մշակույթի և զբոսաշրջության նախարարության 2020 թ. բյուջեի քննարկման ժամանակ քննադատել էր Թուրքական պատմագիտական ու Թուրքական լեզվաբանական ընկերություններին, որոնց գրավոր պատասխան էր եկել:

Նախարար Մեհմեթ Էրսոյի ստորագրությամբ պատասխանում նշված էր, որ Թուրքական պատմագիտական ընկերությունը միայն թուրքիայի պատմության շուրջ չի աշխատանքներ իրականացնում. ըստ Yerkir.am-ի՝ հայտնում է Bianet.org կայքը:

Փայլանը գրավոր ծանուցում էր ուղարկել նախարարություն, որտեղ նշում էր, որ այդ աշխատանքները ցույց չեն տալիս Թուրքիայի բազմամշակութային էությունը, իսկ թուրքերից բացի՝ այլ ժողովուրդների համար արված աշխատանքները զուրկ են օբյեկտիվությունից և ակնհայտ թշնամական ուղղվածություն ունեն:

«Թուրքական պատմագիտական ընկերության ղեկավարությունը միայն Թուրքիայի պատմությունը չի ուսումնասիրում: Քրդերի, հայերի, ասորիների և այս հողերում ապրող այլ ազգերի կողքին Անատոլիայում բնակված խեթերի, ասորացիների, բյուզանդացիների, հռոմեացիների և լիդիացիների վերաբերյալ ևս աշխատանքներ են տարվում». – նշված էր նախարարության պատասխանում, որին հակադարձել է Փայլանը՝ պատասխանելով, որ «20-րդ դարի առաջին կեսին հայ-թուրքական հարաբերությունների միջազգային սիմպոզիումի» ժամանակ հայերի հասցեին թշնամական որակումներ էին տալիս և այդ միջոցառման եզրափակիչ հայտարարության մեջ հայերին որակում էին որպես ահաբեկիչ:

«Հայերին ահաբեկիչ եք անվանում, և կան ատելության խոսքեր: Ինչպե՞ս կբացատրեք դա», – նախարարությանն ուղղված հարցադրման մեջ նշել է Փայլանը:
https://www.yerkir.am/news/view/188522.html