Թուրքիայի խորհրդարանի հայ պատգամավոր Կարո Փայլանն, ըստ Yerkir.am-ի, գրառում է կատարել իր թվիթերյան էջում՝ անդրադառնալով ԱՄՆ-ի Սենատի կողմից Հայոց ցեղասպանության ճանաչմանը:
Նա նշել է.
«Միացյալ Նահանգների Սենատը միաձայն ընդունել է Հայոց ցեղասպանությունը ճանաչող բանաձև։
Դեհ քանի որ այս տարածաշրջանում գործված մեծ հանցանքը հենց այս տարածաշրջանում չի քննարկվում, և այստեղ չի վերահստատվում արդարությունը, դրա համար էլ այն դառնում է այլ երկրների խորհրդարանների քննարկման առարկա։
Հայ ժողովրդի վերքերը կարող է ապաքինել միայն մեկ խորհրդարան, և դա Թուրքիայի խորհրդարանն է, որի անդամն եմ ես»:
Leave a Reply