Լիլիթ Մուրադյան
Հայոց ցեղասպանության թանգարան-ինստիտուտը հրապարակել է գաղթի ճանապարհին իրար կորցրած քրոջ և եղբոր մասին պատմություն. «Այս լուսանկարում քույր ու եղբայր են, որոնք գաղթի ճանապարհին կորցրել էին իրար և միայն երեք տարի անց գտնում են միմյանց Դեր Զորի անապատում:
Աշխարհում չկա մի լեզու` բավականաչափ հարուստ ու գունեղ, որ նկարագրի նմանօրինակ սարսափները, որ արտահայտի այն մարմնական ու հոգեկան տառապանքները, որ կրել էին հայ անմեղ նահատակները, մինչև երկինքը հավիտենական հանգիստ կառաքեր նրանց ի վերուստ:
Ահավոր ջարդերից մազապուրծ այդ մի բուռ թշվառ մարդիկ` իրենց բոլոր մերձավորների, իրենց համար թանկ էակների մահվան ականատեսները, գտնվում էին այնտեղ` գաղթակայաններում և բարձրաստիճան թուրք պաշտոնյաների, գերմանացի սպաների ու ժանդարմների աչքի առջև ենթարկվում էին անարգանքի ու նվաստացման` դատապարտվելով կործանման…»,- ասված է Հայոց ցեղասպանության թանգարան-ինստիտուտի հրապարակած նյութում:
https://hy.armradio.am/
Leave a Reply