Ադիլե Նաշիթը 32 տարի առաջ՝ 1987 թ․ դեկտեմբերի 11-ին, հիվանդացավ աղիքային քաղցկեղով և կյանքից հեռացավ 57 տարեկան հասակում։ Ո՞վ է Ադիլե Նաշիթը․ հետաքրքիր փաստեր նրա մասին։
Կարոտով ենք հիշում «Յեշիլչամի» (այդպես են անվանվում թուրքական տեղական ֆիլմերը-Ակունքի խմբ․) Հաֆիզե մայրիկին՝ Ադիլե Նաշիթին, մեր թատրոնի բարեհամբույր դերասանուհուն, «Թուրքիայի մայրիկ»-ին։
Ադիլե Նաշիթի կյանքը
Ադիլե Նաշիթի հայրը կատակերգու, «քաղաքի կոմիկ» Նաշիթն է, մայրը՝ դերասանուհի Ամելյան։ Մոր կողմից հայ է, հոր կողմից՝ հույն։ Նրա անունն անմահացել է թուրքական կինոյի պատմության մեջ։ Ադիլե Նաշիթն արվեստագետների ընտանիքում է մեծացել։ Մեծ եղբայրը՝ Սելիմ Նաշիթը և իր առաջին ամուսինը՝ Զիյա Քեսքիները, որի հետ Ադիլեն ամուսնացել էր 1950 թ․, թատրոնի դերասաններ էին։ Ադիլեն թատրոնի հետ ծանոթացել է 14 տարեկանում։ Նա աշխատել է Ստամբուլի քաղաքային թատրոններում, տիկնիկային թատրոնում՝ այդպիսով մուտք գործելով թատերական աշխարհ։ Դրանից հետո եղել է բուլվարային թատրոնի առաջատար անուններից Մուամմեր Քարաջայի թատրոնում։
Ադիլեն խաղացել է վարպետ դերասանների հետ
Մի շրջան նա Ազիզ Բասմաջըի և Վահի Օզի հետ ստեղծել է թատերական համայնք։ Եռյակը բեմից դիմում էր ժողովրդին։ Ադիլեի, իր ամուսնու՝ Զիայի և մեծ եղբոր՝ Սելիմի ստեղծած «Նաշիթ» թատրոնը երկար չգործեց։ Նա այնքան շատ էր սիրում բեմը, որ կինոթատրոնների բերած հռչակը նրան չէր բավարարում։ Ադիլեն աշխատել է Գազանֆեր Օզջան- Գյոնյուլ Ուլքյուի հետ։ Ժողովուրդը նրան տեսել է նաև «Հրաշքների համատեղ ձեռնարկություն», «Զրույցի ուրախությունը», «Շեն սազի սոխակները» և այլ մյուզիքլներում։ Նրան հանդիսատեսը շատ է հավանել։
Ադիլե Նաշիթի անունը չի հիշատակվում Մյունիր Օզքյուլի անունից զատ
Կինոթատրոն նա առաջին անգամ ոտք է դրել 1947 թ․, սակայն աստղ է դարձել 1970-ական թթ․։ Այդ ժամանակ նաև «Յեշիլչամի» ոսկե դարն էր, իսկ Ադիլեն՝ Յեշիլչամի ոսկի դերասանուհին։ 1976 թ․ «Սա է կյանքը» ֆիլմում կատարած դերի շնորհիվ Անթալիայի «Ոսկե նարինջ» կինոփառատոնի շրջանակներում արժանացել է «Լավագույն կին դերասան» մրցանակին։ «Քաոսային դասարան» սերիալի մեջ կատարած նրա դերն այնքան է սիրվել, որ մինչ օրս էլ քիչ չեն այն մարդիկ, որոնք այն նայում են հենց նրա խաղի համար։ Իր մարմնավորած կերպարներին հաղորդած հոգու, ժեստերի և միմիկաների շնորհիվ բոլորի սիրելին էր դարձել Ադիլեն։ Այդ սերիալում նա անհնազանդ աշակերտներին թիկունք կանգնած Հաֆիզե մայրիկի դերակատարն էր, մայրիկ, որն ընտանիքի թեմատիկայով նկարահանված ֆիլմերում ամեն ինչի պատրաստ էր՝ հանուն երեխաների։ Մյունիր Օզքյուլի անունը չէր հիշատակվում առանց Ադիլե Նաշիթի, իսկ վերջինիս անունն էլ՝ առանց Մյունիր Օզքյուրի։
Թարգմանեց ԱՆի Մելքոնյանը
Akunq.net
Leave a Reply