Թուրքիայում անհայտ անձինք ալևիների տների պատերին ռասիստական գրություն են թողել

Թուրքիայի Իզմիր (Զմյուռնիա-Ակունքի խմբ․) նահանգի Գազիեմիր շրջանում անհայտ անձինք ալևի քաղաքացիներին պատկանող տների պատերի վրա կարմիր ներկով «X» նշանն են արել և ռասիստական գրություն թողել: Կարմիր ներկով գրել են` «հեռացիր ալևի», որը, սակայն, ալևիները սև ներկով ծածկել են` վերածելով վարդի պատկերի:

Դեպքի կապակցությամբ Իզմիրի իրավապահ մարմինները հետաքննություն են սկսել:

Իզմիրի նահանգապետ Էրոլ Այյըլդըզն այս ռասիստական գրության վերաբերյալ պնդել է, որ այն կրոնական հողի վրա չի կատարվել:

Թուրքիայում իշխող Արդարություն և զարգացում կուսակցության (AKP-ԱԶԿ) մամուլի խոսնակ Օմեր Չելիքը ևս անդրադարձել է այդ միջադեպին՝ Twitter-ում գրառում անելով.

«Մեր ալևի քաղաքացիների դեմ ուղղված այս տգեղ արտահայտությունների փաստով իրավապահ մարմինները հանգամանալից քննություն են իրականացնում: Ամեն ինչ բացահայտվելու է»:

Աղբյուր` Diken.com.tr

Ermenihaber.am