Թուրքիան կիսով չափ կրճատել է Հայոց ցեղասպանության դեմ պայքարի համար հատկացվող գումարը

Թուրքիայի Ազգային մեծ ժողովի պլանավորման և բյուջետային հանձնաժողովում երեկ հաստատված բյուջեում Հետազոտությունների և անվտանգության գծով աշխատանքների գլխավոր վարչության բյուջեն 2019 թ. 11.2 միլիոնի փոխարեն 2020 թ. համար հասցվել է 5.9 միլիոն լիրայի, ըստ Yerkir.am-ի՝ հայտնում է Cumhuriyet.com.tr կայքը:

Cumhuriyet-ի լրագրող Հուսեյն Հայաթսևերը նշում է, որ Թուրքիան կրճատում է «Ցեղասպանության թեզերի» դեմ պայքարն այն դեպքում, երբ մի շարք երկրների խորհրդարաններում՝ ԱՄՆ-ի գլխավորությամբ, Հայոց ցեղասպանությունը ճանաչող բանաձևեր են ընդունվում:

Ըստ թուրք լրագրողի՝ Թուրքիայի ԱԳՆ-ի բյուջետային առաջարկում նաև նշված է, որ զարգացվելու են Թուրքիայի դեմ քարոզչությանը հակազդելու աշխատանքները՝ ակադեմիական, քաղաքական, դիվանագիտական, մշակութային և իրավական ոլորտներում:

Ի դեպ, վերոնշյալ վարչությունը նաև իրականացնում է միջազգային հանրության շրջանում Ֆեթուլլահ Գյուլենի վերաբերյալ հակաքարոզչությունը:

https://www.yerkir.am/news/view/186793.html