Գերմանիայում հուշարձան են կանգնեցրել` ի հիշատակ թուրքերի կողմից ասորիների ցեղասպանության

Գերմանիայում ապրող ասորիները Գիսեն քաղաքի մերձակայքում` Փոլհայմում, հուշարձան են տեղադրել` ի հիշատակ 1915թ. Օսմանյան կայսրությունում ասորիների դեմ իրականացված ցեղասպանության:

Քաղաքային խորհուրդը Վեցնբորգ-Շտայնբերգի կանաչապատ տարածքում, որտեղ գտնվում է նաև Շրթուսի եկեղեցին, 2017թ. միաձայն որոշում էր կայացրել ցեղասպանության հուշարձան կանգնեցնել:

Աղբյուրի փոխանցմամբ` հուշարձանի բացման հանդիսավոր արարողությանը 200 մարդ է մասնակցել:

Գիսենի քաղաքապետ Ուդու Շյոֆմանը հանդես է եկել ելույթով:

«Այսօր շատ կարևոր օր է: Այս հուշարձանը կանգնեցնում ենք, որպեսզի նման դեպքերն այլևս չկրկնվեն: Խոնարհվում ենք այդ ժամանակաշրջանում բոլոր զոհվածների հիշատակին: Բոլորին հաշտության կոչ ենք անում»,- ասել է քաղաքապետը:

Աղբյուր` Sondakika.com.tr

Ermenihaber.am