ԱՄՆ Մերիլենդ և Մասաչուսեթս նահանգները ներկայացնող սենատորներ Քրիս Վան Հոլենը և Էլիզաբեթ Ուորենն անդրադարձել են Կոնգրեսի Ներկայացուցիչների պալատում Հայոց ցեղասպանությունը ճանաչող բանաձևի ընդունմանը:
«Նախորդ երեկոյան Ներկայացուցիչների պալատը ձայների գերակշիռ մեծամասնությամբ ընդունեց Օսմանյան կայսրությունում տեղի ունեցած Հայոց ցեղասպանությունը ճանաչող բանաձևը: Եկել է ժամանակը, որպեսզի Սենատը նույնն անի: Պատմության ընդունումն այն կրկնել թույլ չտալու առաջին քայլն է»,- «Արմենպրես»-ի փոխանցմամբ, Թվիթերի իր էջում գրել է Քրիս Վան Հոլլենը:
Մասաչուսեթսը ներկայացնող մեկ այլ սենատոր՝ Էլիզաբեթ Ուորենն իր հերթին գրել է. «Միանում եմ Ամերիկայի Մասաչուսեթս նահանգի հայ համայնքին և երկրի մյուս մասում ապրող համայնքի ներկայացուցիչներին՝ տոնելու Ներկայացուցիչների պալատի կողմից Հայոց ցեղասպանությունը ճանաչող բանաձևի ընդունումը: Սենատը պետք է ճանաչի այն հիմա»:
Leave a Reply