Թուրքիայի Էրզրում (Կարին-Ակունքի խմբ․) նահանգի Հորասան շրջանի Յազըլըթաշ գյուղում գտնվող՝ Ուրարտուի (Արարատյան թագավորության) հայ արքա Մենուային վերագրվող մոտ 3 հազարամյա ուրարտերեն սեպագիր արձանագրությունը փորձել են կոտրել բրիչով: Այս մասին հայտնել է Աթաթուրքի համալսարանից պրոֆեսոր Ալփասլան Ջեյլանը, որւ նշել է, որ պատմական կոթողը գանձագողերի կամ վանդալների կողմից կարող է ամեն պահի պայթեցվել և կոչ է արել լիազոր մարմիններին՝ միջոցներ ձեռնարկել: Այս մասին հաղորդում է Arkeolojikhaber.com կայքը:
Ջեյլանը, որ այս շրջանում 1998 թ. ի վեր զբաղվում է հետազոտական աշխատանքներով, այցելել է գյուղ (որն, ի դեպ, թարգմանաբար նշանակում է «քարի վրա գրված») և ականատես եղել պատմական կոթողի նկատմամբ վանդալիզիմի դեպքին: Ըստ նրա՝ դա կարող է անել կա՛մ գանձագողը, կա՛մ էլ Անատոլիայում (Արևմտ. Հայաստան) պատմական հետքերը ոչնչացնել ցանկացող խումբ:
«Մեր պատմությունը մեր ձեռքով ոչնչացնելու մեկ այլ ձև է սա: Այն, ինչ չի կարող անել թշնամին, մե՛նք ենք անում: Ոսկի որոնելու համար են սա անում: Այս արձանագրության վերջում գրված է. «Ով ոչնչացնի այս գրությունը, թող արժանանա աստվածների անեծքին»: Ոչ մեկին ձեռք չի տա այս արձանագրության ոչնչացումը»,- հայտարարել է Ջեյլանը:
https://www.yerkir.am/news/view/185440.html
Leave a Reply