Հայոց ցեղասպանության ուսումնասիրման վիճակը ԱՄՆ-ում. ներկայացնում է ամերիկահայ պատմաբանը

Հայոց ցեղասպանության թանգարան-ինստիտուտ հիմնադրամում հոկտեմբերի 22-ին տեղի կունենա մեթոդաբանական սեմինար, որն անց է կացնելու ամերիկահայ պատմաբան, հայագետ, խմբագիր-թարգմանիչ, Թեքեյան մշակութային միության գործադիր տնօրեն, «The Armenian Mirror-Spectator» շաբաթաթերթի խմբագրի տեղակալ Արամ Արքունը:

Նա հանդես է գալու «Հայոց ցեղասպանության ուսումնասիրման վիճակը Միացյալ Նահանգներում և ցեղասպանության թեմայի լուսաբանումը ամերիկահայ մամուլում» թեմայով դասախոսությամբ:

Արամ Արքունը հայ ժամանակակից պատմության մասնագետ է, բազմաթիվ հոդվածների հեղինակ, թարգմանել է նաև գրքեր և հոդվածներ հայերեն, ֆրանսերեն և թուրքերեն լեզուներով: Նա դասավանդել է Նյու Յորքի, Կալիֆորնիայի և Միչիգանի Էն Արբորի համալսարաններում:

Հայոց ցեղասպանության թանգարան-ինստիտուտ հիմնադրամը 2019 թ. փետրվարից մեկնարկել է հանրային դասախոսությունների՝ մեթոդաբանական սեմինարների շարք:

Hy.armradio.am