Սիրիայում այսպես ասած «Խաղաղության աղբյուր» անունը կրող գործողությունը դատապարտել է Կիպրոսի թուրքական հատվածի նախագահ Մուսթաֆա Աքընջըն։
Թուրքական Cumhurıyet–ի փոխանցմամբ՝ Կիպրոսի թուրքական հատվածի նախագահ Մուսթաֆա Աքընջըն հայտարարել է, թե որքան էլ Թուրքիան գործողության անունը դնի «Խաղաղության աղբյուր», միեւնույնն է` այդ գործողությունից արյուն է հորդում, ոչ թե ջուր։ «Իմ ամենամեծ ցանկությունն է, որ մեկ վայրկյան առաջ սկսեն երկխոսությունը, եւ դիվանագիտական ճանապարհով կարգավորվի խնդիրը»,–ասել է Կիպրոսի թուրքական հատվածի թուրք նախագահը։
Այս խոսքերը, ինչպես որ սպասելի էր, կատաղեցրել են Թուրքիայի նախագահ Էրդողանին, ով հայտարարել է, թե Կիպրոսի թուրքական հատվածի ղեկավարը չափերն անցել է։ «Աշխարհում միայն Թուրքիան է ճանաչում Կիպրոսը որպես անկախ պետություն։ Շուտով կիպրոսցի մեր հայրենակիցները նախագահին լավ դասեր կտան»,–ասել է Էրդողանը։
Leave a Reply