Ներկայիս Թուրքիայի Հանրապետության տարածքում գտնվող հայկական Բյուրակնի (թուրքական անվանումը՝ Բինգյոլ-Ակունքի խմբ․) Մուրադ գյուղում գտնվող Նորիկ հողաբլրի վրա կատարված պեղումների շնորհիվ ուրարտական շրջանին պատկանող 3․600-ամյա հնամենի բնակավայր է հայտնագործվել։ Այդ մասին հաղորդում է Akunq.net/am/-ը՝ վկայակոչելով թուրքական Gazete Duvar լրատվամիջոցում հրապարակված տեղեկատվությունը։
Աղբյուրի համաձայն՝ պեղումները ղեկավարող Էլազըղի (Խարբերդ-Ակունքի խմբ․) Թանգարանների տնօրեն Զիյա Քըլըչը լրատվամիջոցներին հայտնել է, որ 158 հնագետի մասնակցությամբ իրականացվող սույն աշխատանքների արդյունքում մինչ այժմ բազմաթիվ գտածոներ են հայտնաբերվել, որոնց շարքում հիշատակման է արժանի հատկապես ուրարտական դարաշրջանի գերեզմանոցից գտնված բրոնզե գոտիները։ Վերջիններիս վրա ռազմական տեսարաններ են առկա։
Նա նաև հաղորդել է, որ այդ գտածոները շուտով կհանձնվեն Բինգյոլի թանգարանին։
Թարգմանեց Մելինե Անումյանը
Akunq.net
Leave a Reply