Սույն թվականի հոկտեմբերի 7-ին Կ․Պոլսի (Ստամբուլ) «Ջեմալ Ռեշիդ Ռեյ» համերգասրահում կկազմակերպվի համերգ՝ Կոմիտասի 150-ամյակի կապակցությամբ։ Այդ մասին հաղորդում է Akunq.net-ը՝ վկայակոչելով թուրքական Kulturservisi.com լրատվամիջոցը։
Աղբյուրի փոխանցմամբ՝ համերգի կազմակերպիչներն են «Անադոլու Քյուլթյուր» հասարակական կազմակերպությունը, «Քալան Մյուզիք» ընկերությունը և «Մաքսիմ Գորկի» անունը կրող թատրոնը։
“Լուսաշող արևածագի ձայնը․ Կոմիտասի 150-ամյակը” խորագիրը կրող սույն միջոցառման մասին հրապարակմամբ հանդես եկած թուրքական լրատվամիջոցը համառոտ կերպով անդրադառնում է նաև Կոմիտասի կյանքին՝ չմոռանալով վերջում ընդգծել, որ Կոմիտասը նաև Հայոց ցեղասպանության ականատեսն է եղել։
Նախքան համերգը տեղի կունենա, դարձյալ Կոմիտասին նվիրված, ցուցահանդեսի բացումը, որի կազմակերպիչն է «Բիրզամանլար» հրատարակչությունը։ Նույն միջոցառման շրջանակներում կկայանա նաև «Խենթության հնագիտությունը՝ Կոմիտաս․ մի հայ սրբի դիմանկարը» գրքի շնորհանդեսը։
Թարգմանեց Մելինե Անումյանը
Akunq.net
Leave a Reply