Աննա Նազարյան
«Ռադիոլուր»
Կ. Պոլսի Հայոց պատրիարքի ընտրության ոդիսականը հնարավոր է մինչեւ այս տարեվերջ հանգուցալուծվի։ Պոլսո Հայոց պատրիարքի տեղապահ Սահակ արքեպիսկոպոս Մաշալյանը «Ռադիոլուրի» հետ զրույցում նշել է, որ գրավոր դիմում են ներկայացրել Ստամբուլի նահանգապետարանին՝ դեկտեմբերին ընտրություններ կազմակերպելու համար։
Սրբազան Սահակ Մաշալյանը հանդիպել է Թուրքիայի նախագահի ու ՆԳ նախարարի հետ ու հավաստիացում ստացել, որ Պոլսո պատրիարքի ընտրությունների անցկացման համար կանոնադրությունը կստանան մեկ շաբաթից:
Մեկ շաբաթից պարզ կլինի, թե երբ են կայանալու պատրիարքի ընտրությունները: Պոլսո Հայոց 85-րդ պատրիարքի ընտրության գործընթացը համակարգող Նախաձեռնող մարմինը դիմել էր Ստամբուլի նահանգապետարան` ընտրության համար պատկան մարմիններից համապատասխան կանոնադրություն ստանալու նպատակով:
Պատրիարքի գոյությունը ամեն բան իր տեղը կդնի, այն շատ կարևոր է, քանի որ փոխանորդի հետ շատ հարցեր շրջանցում են: Սրբազանը կարևորում է հատկապես հայապահպանության խնդիրը:
Leave a Reply