Անաստասիադիսը Կիպրոսի հիմնախնդրի անլուծելիության համար մեղադրել է Թուրքիային

Կիպրոսի նախագահ Նիկոս Անաստասիադիսը ելույթ է ունեցել Կիպրոսի հիմնախնդրին և համահունական խնդիրներին նվիրված համաժողովի ժամանակ։

Նա ընդգծել է, որ կիպրական խնդրի չհանգուցալուծվելու պատճառը Թուրքիայի պահվածքն է։ Միջերկրական ծովի արևելյան հատվածում Թուրքիայի գործունեությունը նա որակել է որպես սադրանք և օկուպացիա։

Կիպրոսի նախագահը դեմ է արտահայտվել նաև ինքնահռչակ Հյուսիսային Կիպրոսի թուրքական հանրապետության կողմից ներկայացվող քաղաքական հավասարության պահանջին և նշել, որ դա անարդար կլինի:

Միջոցառման ժամանակ ելույթ է ունեցել նաև Կիպրոսի արքեպիսկոպոս Խրիզոստոմոս 2-րդը, ով նշել է, որ Կիպրոսի հիմնախնդրի հանգուցալուծման համար կան որոշակի պայմաններ։

«Այդ լուծման համար անհրաժեշտ է, որ Թուրքիան միջամտելու իրավունք չունենա։ Նաև կղզին պետք է ազատագրվի թուրք զինվորներից ու թուրքական ծագմամբ քաղաքացիներից», – նշել է արքեպիսկոպոսը։

Աղբյուր` Yeniakit.com

Ermenihaber.am