Վանի քաղաքապետարանի ԺԴԿ-ական ութ պաշտոնյայի ազատել են աշխատանքից

Թուրքիայի Վան քաղաքի քաղաքապետին աշխատանքից հեռացնելուց հետո, երկրի ներքին գործերի նախարարության հրամանով, աշխատանքից ազատվել է քաղաքապետարանի ևս 8 պաշտոնյա:

Այս մասին, ինչպես հաղորդում է «Արմենպրես»–ը, հայտնում է թուրքական «Դիքեն» լրատվամիջոցը:

Հայտնի է, որ նրանք քրդամետ Ժողովուրդների դեմոկրատական կուսակցության անդամներ են:

Հիշեցնենք, որ թուրքական իշխանությունները օգոստոսի 19-ին պաշտոնից հեռացրել են Վանի քաղաքապետ Բեդիա Օզգյոքչեին, Դիարբեքիրի քաղաքապետ Ադնան Սելչուք Մըզրաքլըին և Մարդինի քաղաքապետ Ահմեթ Թուրքին: Նրանք հանդիսանում են քրդամետ Ժողովուրդների դեմոկրատական կուսակցության անդամներ:

https://armenpress.am/arm/news/985909.html