Հնդիկ հայտնի ռեժիսոր Շեքար Կապուրը սկսել է Հայոց ցեղասպանության մասին ֆիլմի նկարահանումները՝ գրող Միշել Ահարոնյանի «Երկնքից երեք խնձոր ընկավ» վեպի հիման վրա:
«Գիրքը հիմնված է Ցեղասպանությունից փրկված գրողի տատիկի հիշողությունների վրա։ Ֆիլմի սցենարը գրել է Խոսե Ռիվերան: Կինոնկարի գործողությունները տեղի են ունենում 1915-1917 թվականներին», – գրում է ամերիկյան Deadline-ը։
Կինոնկարի պրոդյուսերը ամերիկահայ Սոնա Թաթոյանն է` Հայոց ցեղասպանությունը վերապրածների սերնդից: Ֆիլմի գլխավոր հերոսի քասթինգը տեղի է ունեցել Երևանում` Սիրիայում ընթացող քաղաքացիական պատերազմի հետևանքով Հայաստան տեղափոխված երիտասարդ աղջիկների շրջանում։
Շեքար Կապուրն իր կարիերան, որպես դերասան, սկսել է Բոլիվուդում 1975-ին, այնուհետև զբաղվել է ռեժիսորական աշխատանքներով: Կապուրը միջազգային ճանաչում ստացավ 1998-ին՝ Օսկարի արժանանալով «Էլիզաբեթ» ֆիլմի համար:
Leave a Reply