Ամենաշատ օտարերկրացիները բնակվում են Ստամբուլի, իսկ ամենաքիչը՝ Բիթլիսի նահանգում

Թուրքիայի վիճակագրական ընկերության (TÜİK) տվյալների համաձայն՝ այդ երկրում բնակվելու կամ աշխատելու իրավունք ունեցող 919․061 օտարերկրացի կա։

Ամենամեծ թվով օտարերկրացիներ Ստամբուլի նահանգում են։ Այստեղ ընդհանուր առմամբ բնակվում է այլ երկրների 327․871 քաղաքացի։

Երկրորդ տեղում մայրաքաղաք Անկարան է, որտեղ օտարերկրացիների թիվը կազմում է 84․472։

Անթալիայում բնակվող այլ երկրների քաղաքացիների թիվը հասնում է 57․423-ի։

Չորրորդ տեղում, ըստ TÜİK-ի տվյալների, Բուրսան է, որտեղ կա 26.198 օտարերկրացի։

Հնգյակը եզրափակում է Իզմիրը՝ 26․075 ցուցանիշով։

Պարզվել է նաև, որ ամենաքիչ թվով օտարերկրացիներ են բնակվում Թուրքիայի Մուշ (379), Արդահան (377), Հաքքարի (356), Բինգյոլ (311), Թունջելի (Դերսիմ-Ակունքի խմբ․) (164) և Բիթլիս (150) նահանգներում։

Աղբյուր` Sabah.com.tr

Ermenihaber.am