Թուրքիայի խորհրդարանի հայ պատգամավոր Կարո Փայլանը Twitter-ի իր էջում գրել է Դիարբեքիրում ցույցի մասնակից քուրդ պատգամավորներին բռնության ենթարկելու մասին։
Կարո Փայլանը գրել է. «Վանի, Մարդինի ու Դիարբեքիրի քուրդ քաղաքապետերին պաշտոնից հեռացնելու դեմ բողոքի ակցիաների ժամանակ ոստիկանությունը անհամաչափ ուժ է կիրառում քաղաքացիների ու պատգամավորների դեմ։
Պետությունը հեռացնում է պաշտոնից ժողովրդի ընտրած քաղաքապետին, հետո` ծեծում ժողովրդի ընտրած պատգամավորներին։ Սա պետական ահաբեկչություն է»:
Նշենք, որ Թուրքիայի քրդաբնակ Վան, Դիարբեքիր եւ Մարդին քաղաքներում բողոքի ակցիաներ են ընդդեմ պետության որոշման, ըստ որի՝ պաշտոններից հեռացվել են քուրդ քաղաքապետերը։
Leave a Reply