Սիրիայում անվտանգության գոտու վերաբերյալ թուրք-ամերիկյան նախնական համաձայնությունից հետո ամերիկացի զինվորականներն արդեն ժամանել են Թուրքիայի սահմանամերձ Շանլըուրֆա նահանգ:
Այդ մասին հայտարարություն է տարածել Թուրքիայի պաշտպանության նախարարությունը։ Ըստ այդ հայտարարության՝ ամերիկյան պատվիրակության մեջ ներառված է 6 զինվորական։ Պատվիրակությունը թուրքական կողմի հետ քննարկելու է անվտանգության գոտու համակարգման և ղեկավարման համատեղ գործողությունների կենտրոնի ստեղծման հարցը, որի շուրջ համաձայնությունը ձեռք էր բերվել Անկարայում կայացած եռօրյա թուրք-ամերիկյան բանակցություններում:
Առայժմ հայտնի չէ, թե այդ կենտրոնը որտեղ պետք է տեղակայվի։ Թուրքիայի ՊՆ-ն հայտնել է, որ հիշյալ կենտրոնը կսկսի իր աշխատանքներն առաջիկա օրերին։
Աղբյուր` Haberler
Ermenihaber.am
Leave a Reply