Աղթամարի Սուրբ խաչ եկեղեցում պատրաստվում են ամենամյա պատարագին

Վանա լճի Աղթամար կղզու հայկական Սուրբ Խաչ եկեղեցին, որը Թուրքիայում համարվում է կարևոր զբոսաշրջային կենտրոն, 7-րդ անգամ պատրաստվում է ամենամյա պատարագին։ Այդ մասին, ըստ Akunq.net-ի, հաղորդում է թուրքական «İlhas» լրատվական գործակալությունը։ Հրապարկման մեջ մասնավորապես նշվում է, որ սեպտեմբերի 8-ի պատարագին մասնակցելու համար Թուրքիայից և այլ երկրներից բազմաթիվ այցելուներ են սպասվում, ինչի պատճառով հյուրանոցների համարներն արդեն զբաղեցված են։

Աղբյուրի համաձայն Աղթամար կղզի և Սուրբ խաչ եկեղեցի այցելած Թուրքիայի մշակույթի և տուրիզմի շրջանային տնօրեն Մուզաֆֆեր Աքթուղը նշել է, որ դեպի Վան ճանաչողական այցերի ամենակարևոր նպատակակետը Սուրբ խաչ եկեղեցին է։ Նա հավելել է նաև, որ այս տարի հյուրերի ավելի մեծ թիվ է ակնկալվում, և որ մինչև սեպտեմբերի վերջ բոլոր հյուրանոցներն աշխատելու են իրենց ողջ ներուժով։

Ըստ Աքթուղի՝ հունվարից  մինչև օգոստոս Ախթամար կղզի են այցելել 125 հազարից ավել տեղացի և օտարերկրացի զբոսաշրջիկներ, ինչը գերազանցել է նախորդ տարիների թիվը։

https://www.iha.com.tr/haber-akdamar-ayine-hazirlaniyor-794977/

Պատրաստեց Անի Մելքոնյանը

Akunq.net