Թուրքիայի նախկին նախագահ Աբդուլլահ Գյուլն իր թեկնածությունը կառաջադրի 2023 թ. կայանալիք նախագահական ընտրություններում, գրում է Sondakika.com-ը: Նշվում է, որ անձամբ Գյուլը դեռ չի հաստատել, բայց նաև չի էլ հերքել այս լուրը: Նշենք, որ 2018 թ. Աբդուլլահ Գյուլը չէր առաջադրել իր թեկնածությունը Թուրքիայի նախագահի պաշտոնում:
Ավելի վաղ հաղորդվել էր Թուրքիայում նոր քաղաքական կուսակցության ստեղծման մտադրության մասին: Թուրքիայի էկոնոմիկայի նախկին նախարար Ալի Բաբաջանն օրերս հայտնել է անուններ, որոնք էլ կստեղծեն նոր քաղաքական կուսակցությունը: Այն կստեղծվի աշնան սկզբին՝ Թուրքիայի նախկին նախագահ Գյուլի ու իշխող Արդարություն և զարգացում կուսակցության նախկին փոխնախագահ Բեշիր Աթալայի կողմից:
Նշենք, որ հուլիսի 8-ին Ալի Բաբաջանը լքել է իշխող կուսակցության շարքերը:
Գյուլը Թուրքիայի 11-րդ նախագահն է:
https://www.tert.am/am/news/2019/08/03/Abdullah-G%C3%BCl/3063667
Leave a Reply