Թուրքիայում իշխող Արդարություն և զարգացում կուսակցության Բաշիսքելեի շրջանային կառույցի ղեկավար Սուլեյման Օզքարաասլանի` շաբաթներ առաջ սոցցանցերում փախստականների վերաբերյալ արած գրառմանը արձագանքել է ԱԶԿ Քոջաելիի նահանգային կառույցի ղեկավար Մեհմեթ Էլլիբեշը` Օզքարաասլանին ուղարկելով կարգապահական կոմիտե, որտեղ կքննվի նրա վարքը:
Օզքարաասլանն իր թվիթերյան էջում մասնավորապես նշել էր. «Եկեք 1989 թ. եկած բուլղարներին, 1950 թ. Սալոնիկից եկած կրոնափոխներին, 100 հազար հայերին սիրիացիների հետ միասին արտաքսենք: Համաձա՞յն եք». հաղորդում է Guncelkocaeli.com կայքը:
Նշենք, որ հայերին Թուրքիայից արտաքսելու հարցը շարունակաբար արծարծվում է թուրքական հասարակությունում և ժամանակին` 2010 թ. երկրի այն ժամանակվա վարչապետ Էրդողանը իր հերթին էր սպառնացել երկրի քաղաքացի չհամարվող հայերին արտաքսել:
Leave a Reply