Թուրքիայի Տրապիզոն նահանգում արտասահմանցիների գնած բնակարանների թիվն անցել է 4 հազարից։ Այդ մասին, ըստ Akunq.net-ի, հաղորդում է թուրքական պետական «Անադոլու» լրատվական գործակալությունը։
Աղբյուրի համաձայն՝ Տրապիզոնի Առևտրի և արդյունաբերության պալատի ղեկավար խորհրդի նախագահ Սուաթ Հաջըսալիհօղլուն «Անադոլու» գործակալության թղթակցի հետ զրույցում նշել է, որ 2019 թ․ հունվար-հունիս ամիսների վիճակագրական տվյալների համաձայն՝ Տրապիզոնն այդ առումով 7-րդ տեղն է գրավել ամբողջ Թուրքիայում։ Հաջըսալիհօղլուն նաև նշել է․ «Այն դեպքում, երբ 2018 թ․ հունիսին Տրապիզոնում արտերկրացիներին 43 բնակարան է վաճառվել, այս տարվա հունիսին այդ թիվը հասել է 111-ի»։
Հիշեցնենք, որ Թուրքիայում Հայաստանի եւ Հյուսիսային Կորեայի քաղաքացիները չեն կարող բնակարան կամ այլ անշարժ գույք գնել։
Թարգմանեց Մելինե Անումյանը
Akunq.net
Leave a Reply