Թուրքիան Կիպրոսի ջրային տարածք է ուղարկում արդեն 4-րդ նավը

Թուրքիայի Էներգետիկայի և բնական պաշարների նախարարությունը, ի պատասխան ԵՄ` Թուրքիայի նկատմամբ պատժամիջոցների կիրառման որոշման, հայտարարել է, որ Միջերկրական ծով է ուղարկում արդեն 4-րդ` «Օրուչ Ռեիս» սեյսմիկ հետազոտություններ իրականացնող նավը. հաղորդում է Diken.com.tr կայքը:

Երեկ ԵՄ Արտաքին հարաբերությունների խորհուրդը հայտարարել էր Թուրքիայի նկատմամբ պատժամիջոցներ կիրառելու մասին, ինչին Թուրքիայի ԱԳՆ պատասխանել էր, որ դա որևէ կերպ չի ազդի Թուրքիայի` Կիպրոսի ջրերում գործողությունների շարունակմանը:

Նշենք, որ Կիպրոսին պատկանող Հատուկ տնտեսական գոտում բնական գազի որոնողական աշխատանքների համար Թուրքիան այնտեղ էր ուղարկել «Բարբարոս Հայրեդդին Փաշա» սեյսմիկ հետազոտությունների իրականացնող նավը, այնուհետև` «Ֆաթիհ» և «Յավուզ» հորատող նավերը:

https://www.yerkir.am/news/view/179998.html