Ինչպե՞ս է պատրաստվում ռևանին (հայկական շամալին-Ակունք խմբ.). տնային պայմաններում պատրաստելու հեշտ բաղադրատոմս

Ռևանին օսմանյան ժամանակաշրջանից ի վեր թուրքական խոհանոցում առկա դասական քաղցրավենիք է։ Ենթադրվում է, որ օսմանցիները Երևանի գրավման ժամանակ նրան տվել են ռևանի ավանումը (իշխանամետ թուրքական <<Սաբահ>> օրաթերթը, չցանկանալով ընդունել այս աղանդերի հայկական ծագումը, նման անհեթեթ բացատրություն է տալիս քաղցրավենիքի անվանմանը-Ակունքի խմբ.)։ Այս քաղցրավենիքի բաղադրատոմսի մեջ առկա են միջերկրածովյան ու կենտրոնասիական մշակութային տարրեր։ Արաբերեն անվանումը բասբոուսա է, իսկ հայերեն՝ շամալի։

Շատ լավ, տեսնենք, թե ինչպես է պատրաստվում ռևանին (շամալին-Ակունքի խմբ.)։ Ներկայացնում ենք մի բաղադրատոմս, որով կարելի է այն տանը հեշտ պատրաստել…

Ռևանին բաղկացած է մեկ շերտ բիսկվիթային խմորից, որի վրա լցվում է շաքարաջուր։ Ռևանին առկա է նաև հունական, եգիպտական, իսրայելական, հորդանանյան և արաբական խոհանոցում և միջերկրածովյան ու կենտրոնասիական երկրներում տարբեր անվանումներ ունի։

Անհրաժեշտ  բաղադրիչները՝

Շաքարաջրի համար ՝

3 ջրի  բաժակ շաքարավազ,

3 ջրի բաժակ ջուր,

կես լիմոն։

Բիսկվիթային խմորի համար՝

3 ձու,

կես ջրի բաժակ շաքարավազ,

¾ թեյի ջրի բուսական յուղ,

1 լիմոն(կեղևով),

1 թեյի գդալ վանիլին,

1 թեյի բաժակ մածուն,

3 ճաշի գդալ ալյուր,

1 թեյի բաժակ հում սպիտակաձավար (մանի),

¼ ջրի բաժակ մանրացված պնդուկ,

կես թեյի գդալ կերակրի սոդա,

2 թեյի գդալ փխրեցուցիչ։

Զարդարանքի համար անհրաժեշտ են՝ հնդկական ընկույզ և մանրացված պնդուկ։

Պատրաստման եղանակը՝

Ջեռոցը նախապես տաքացնել՝ հասցնելով 175⁰C (350 F)։ 9/13 չափսի թավան ձիթապատել։

Մինչև բիսկվիթային խմորին անցնելը շաքարաջուրը պատրաստել և թողնել՝ սառչի։ Շքարավազը և ջուրը միջին չափսի թավայի մեջ լցնել և սկսել խառնել։ Ուժեղ կրակ անել և  անընդհատ խառնելով՝ եռացնել։

Եռացնելուց հետո շաքարաջուրը կափարիչով փակել և մոտ 10 րոպե թողնել մարմանդ կրակին։ Լիմոնաջուրն ամբողջությամբ ավելացնել զանգվածին։ Գազօջախն անջատել և ավելացնել մնացած բաղադրիչները, մինչև որ շաքարաջուրը սառչի։

Մեծ ամանի մեջ լցնել ձվերն ու շաքարավազը և հարել։ Այն մի քանի րոպե պետք է արագ հարել, մինչև շաքարավազը հալվի։ Ինչքան շատ հարեք, այնքան լավ կստացվի։

Ձեթը, մանրացված լիմոնի կեղևը, վանիլինը և մածունը ավելացնել և մի քանի րոպե ևս հարել։

Ավելացնել մնացած բաղադրիչները և ստանալ թույլ խմոր։

Խմորը լցնել ձեթով պատված թավայի մեջ։ Եփել այնքան, մինչև վրան լավ կարմրի՝ մոտ 30-40 րոպե։ Թավան ջեռոցից հանելուց հետո թողնել՝ մոտ 5 րոպե հանգստանա։

Բիսկվիթը կտրել քառակուսի կամ ուղղանկյուն կտորների։

Մի մեծ գդալով սառած շաքարաջուրը դանդաղ լցնել վրան։ Այն ծածկել նրբաթիթեղով և մի քանի ժամ պահել սառնարան։

Մատուցելուց առաջ ամեն կտորի վրա մի պտղունց հնդկական ընկույզ և պնդուկ լցնել։

https://www.sabah.com.tr/yemek-tarifleri/tatli-tarifleri/2019/06/30/revani-tatlisi-nasil-yapilir-ev-yapimi-kolay-revani-tarifi

Թարգմանեց Անի Մելքոնյանը

Akunq.net