Եգիպտոսը Թուրքիային կոչ է արել չսրել լարվածությունը Միջերկրական ծովի արևելյան հատվածում՝ Կիպրոսի ջրերում նավթի և գազի հորատման փորձերի պատճառով, հաղորդում է AP-ը:
Եգիպտոսի արտաքին գործերի նախարարությունը նշել է դեէսկալացիայի և միջազգային իրավունքի պահպանման կարևորությունը:
Կահիրեն մտահոգություն է հայտնել՝ կապված Թուրքիայի գործողությունների հետ, որոնք կարող են սրել լարվածությունը Միջերկրական ծովի արևելյան հատվածում:
Հիշեցնենք, որ Թուրքիան ուղղել է դեպի Կիպրոս նավթ եւ գազ փնտրող երկրորդ նավը, ինչը, ինչպես ակնկալվում է, կհանգեցնի լարվածության մեծացմանը այն բանից հետո, երբ ԵՄ-ը կոչ է արել Անկարային դադարել հորատման իր անօրինական գործունեությունը:
Ավելի վաղ Եվրոպական միությունը քննադատել էր Թուրքիային այդ տարածաշրջանում հորատման իր ծրագրերի առնչությամբ՝ նախազգուշացնելով, որ պատրաստում է համապատասխան միջոցառումներ:
Սակայն Թուրքիայի էներգետիկայի նախարար Ֆաթիհ Դոնմեզի խոսքով՝ Անկարան շարունակելու է ածխաջրերի պաշարների փնտրտուքը:
Leave a Reply