Թուրքիայի գործողությունները խախտում են Կիպրոսի ինքնիշխանությունը. ԵՄ

Եվրամիությունը հայտարարել է, որ Կիպրոսի ափերի մոտ Թուրքիայի կողմից նավթի ու գազի հորատումը լուրջ անհանգստություն է առաջացնում, հաղորդում է AP-ը:

«Թուրքիայի կողմից Կիպրոսի հյուսիս-արեւելքում հորատման անօրինական աշխատանքները լուրջ անհանգստություն են առաջացնում: Դա հորատման երկրորդ օպերացիան է, որը լարվածություն է առաջացնում եւ խախտում Կիպրոսի ինքնիշխանությունը»,- ասված է ԵՄ հայտարարության մեջ:

Վերջին 2 ամսում «Յավուզ» հորատիչ նավը երկրորդն է, որն ուղարկվել է Կիպրոս: Եվս մեկ նավ՝ «Ֆաթիհ»-ը, գտնվում է Կիպրոսի արեւմտյան ափում մայիսի սկզբից:

https://news.am/arm/news/522788.html