Անգարայի դատարանը հրապարակած է 15 յուլիս 2016-ին Թուրքիոյ մէջ զինուորական յեղաշրջման փորձ կատարելու համար կասկածուող, իսլամ քարոզիչ Ֆեթհուլլա Կիւլենի կազմակերպութեան կողմնակից եղողներու դատավճիռները, որոնք այդ օր գտնուած են Թուրքիոյ զինեալ ուժերու սպայակոյտի շէնքին մէջ: Այս մասին կը հաղորդէ «Անատոլու» լրատու գործակալութիւնը:
Գործի ծիրին մէջ կասկածելիներուն թիւը 224 է: Անոնց շարքին է Թուրքիոյ օդուժի նախկին հրամանատար Աքըն Էօզթիւրք:
Դատարանը 17 մարդ, ներառեալ Էօզթիւրքը, դատապարտած է 141 տարուան բանտարկութեան: Դատապարտեալները պատիժը պիտի կրեն խիստ դրութեամբ բանտի մէջ:
Նախապէս հաղորդուած էր, որ Թուրքիոյ դատախազութիւնը հրամայած է ձերբակալել Կիւլենի կազմակերպութեան հետ ունեցած կապի համար 128 անձեր, որոնցմէ 48-ը գործող զինուորներ են:
Յիշեցնենք, թէ յեղաշրջումի փորձէն ետք աւելի քան 50.000 մարդ ձերբակալուած է, աշխատանքէ հեռացուած է 160.000 պետական պաշտօնեայ, ներառեալ` զինուորներ:
Leave a Reply