Թուրքական դատարանը մերժել է քրդական կուսակցության առաջնորդին ազատ արձակելու դիմումը

Անկարայի Ծանր հանցագործությունների 19-րդ դատարանը որոշել է երկարաձգել Թուրքիայի ընդդիմադիր Ժողովուրդների դեմոկրատական կուսակցության համանախագահ Սելահեթթին Դեմիրթաշի կալանքը:

Դեմիրթաշը մեղադրվում է «ահաբեկչական կառույց ղեկավարելու», «ահաբեկչական կառույցի քարոզի», «հավաքների և ցույցերի արգելքին չենթարկվելու», «ժողովրդի զայրույթը և թշնամությունը հրապարակային հրահրելու», «ժողովրդին օրենքներին չենթարկվելուն դրդելու», «հանցանք կատարելուն դրդելու», «հանցանքը և հանցագործին գովելու» համար. հաղորդում է Haberler.com կայքը:

Դեմիրթաշը նիստին հետևել է Էդիրնեում գտնվող բանտից, որտեղ պահվում է: Նիստին ներկա են եղել մի շարք քուրդ պատգամավորներ և փաստաբաններ:

Նիստի ժամանակ նա հայտարարել է, որ չի ցանկանում Թուրքիայի մասնատումը, այլ` որ շրջաններից մեկը կոչվի Քուրդիստան:

https://www.yerkir.am/news/view/177503.html