Փայլանը մեջլիսում բարձրացրել է Դիարբեքիրի պատմական պարիսպների փլուզման հարցը

Քրդամետ Ժողովուրդների դեմոկրատական կուսակցության` Դիրաբեքիրից պատգամավոր Կարո Փայլանը Թուրքիայի շրջակայքի և քաղաքաշինության նախարար Մուրատ Քուրումին հարցում է ուղարկել: Խնդիրը կապված է Դիարբեքիրի պատմական պարիսպների և Հևսելի այգիների շրջակայքում իրականացվող «Ազգային այգի» ծրագրի պատճառով պարիսպներին և այգուն հասցվող վնասի հետ:

7 հարցից բաղկացած հարցման մեջ Փայլանը հետաքրքրվում է, թե արդյո՞ք ծրագիրն իրականացվում է ՅՈՒՆԵՍԿՕ–ի թույլտվությամբ, քանի որ և’ պարիսպները, և’ Հևսելի այգիներն այդ միջազգային կազմակերպության համաշխարհային ժառանգության օբյեկտների ցուցակում են:

Շաբաթներ առաջ թուրքական ընդդիմադիր մամուլում տեղեկություններ էին տարածվել, որ Դիարբեքիրի պարիսպների մի հատված շինարարության հետևանքով փլուզվել է:
https://www.yerkir.am/news/view/177432.html