Ստամբուլում Հրանտ Դինքի հիշողության ցուցահանդես է բացվել

Ստամբուլում «Ակօս» շաբաթաթերթի նախկին խմբագրությունում բացվել է «23.5 Հրանտ Դինքի հիշողության» ցուցահանդեսը։

Ինչպես տեղեկացնում է Ստամբուլի հայկական «Ակօս»–ը,  Հրանտ Դինքին նվիրված ցուցահանդեսի անվանման 23.5–ը վերցված է 1996 թվականին ապրիլի 23–ին «Ակօս»–ում Դինքի  հեղինակած 23.5 վերնագրով հոդվածից։

Ցուցահանդեսում այցելուները  աշխատակցի ուղեկցությամբ կշրջեն 145 քմ տարածքով ցուցահանդեսում եւ կծանոթանան Հրանտ Դինքի կյանքին, աշխատանքին եւ պայքարին։

Նշվում է, որ ցուցահանդեսում ներկայացված է 60 տեսանյութ, հարյուրավոր լուսանկարներ եւ մինչեւ 2007 թիվը «Ակօս»–ի արխիվը՝ մուլտիմեդիա տարբերակով։

https://news.am/arm/news/518822.html