Եվրահանձնաժողովը գտնում է, որ Եվրոպական միության անդամակցության թեկնածու Թուրքիան գնալով ավելի է հեռվանում Եվրոպայից և որ անդամակցության հարցով բանակցությունները փաստացի կանգնել են փակուղու առաջ:
Ինչպես նշում է Ria.ru-ն, այս մասին ասվում է մայիսի 28-ին հրապարակված զեկույցում, որը վերաբերում է ԵՄ ընդլայնման հարցերին և թեկնածու երկրների հետ բանակցային գործընթացի վիճակին:
«Թուրքիան առանցքային գործընկեր և թեկնածու երկիր է ԵՄ-ի համար: Երկխոսությունն ու փոխադարձ հետաքրքրություն ներկայացնող կարևորագույն ոլորտներում համագործակցությունը շարունակվում են: Սակայն միևնույն ժամանակ Թուրքիան շարունակում է հեռանալ ԵՄ-ից՝ լուրջ հետընթաց արձանագրելով օրենքի գերակայության, հիմնարար իրավունքների և ազատությունների սկզբունքների գերակայության հարցերում: Թուրքիայի՝ ԵՄ անդամակցության վերաբերյալ բանակցությունները փաստացի փակուղու առաջ են հայտնվել»,-ասվում է զեկույցում:
Leave a Reply