Երևանում լույս է տեսել պատմաբան Անի Ութուջյանի «Միքայել Չամչյան. կյանքը, գործը» վերնագրով աշխատությունը: Այդ մասին հաղորդում է Akunq.net-ը: Մենագրությունը հրատարակության է երաշխավորել ՀՀ Գիտությունների ազգային ակադեմիայի Պատմության ինստիտուտը (խմբագիր` պ.գ.դ., պրոֆեսոր Հայրապետ Մարգարյան, գրախոս` պ.գ.թ. Արտակ Մաղալյան):
Աշխատությունը ընթերցող լայն հասարակությանն է ներկայացնում հայ ականավոր պատմաբան, լեզվաբան, քերականագետ, կրոնական-հասարակական գործիչ ու մանկավարժ Միքայել Չամչյանի կյանքի և հայագիտական գործունեության նկարագիրը:
Պատմական քննական վերլուծության է ենթարկվում Մ. Չամչյանի «Պատմութիւն Հայոց» երկասիրությունը: Բացահայտվում է Մ. Չամչյանի դերը հայ պատմագիտության զարգացման գործում, մատնանշվում է նրա տեղը հայ բազմադարյան պատմության անընդմեջ շղթայում:
Akunq.net
Leave a Reply