Էրդողանի «հոգեզավակը» դանակահարվել է Ստամբուլի քաղաքապետի ընդդիմադիր թեկնածուին աջակցելու համար

Թուրքիայի նախագահ Էրդողանի կողմից «հոգեզավակ» հայտարարված Գյոքնուր Դամաթն իր աջակցությունն է հայտնել ընդդիմադիր թեկնածու Էքրեմ Իմամօղլուին Ստամբուլում կայանալիք քաղաքապետի ընտրություններում:

Թուրքիայում գլխավոր ընդդիմադիր ուժ հանդիսացող Ժողովրդահանրապետական կուսակցության (CHP-ԺՀԿ) թեկնածուի նախընտրական քարոզարշավի համար ժողովրդի կողմից իրականացված բարեգործական ակցիային մասնակցել է նաև Գյոքնուր Դամաթը: Վերջինս ակցիայի շրջանակում սոցիալական ցանցում գրառել է CHP-ի նախընտրական կարգախոսը (‘Her şey çok güzel olacak’/«Ամեն ինչ շատ լավ է լինելու») և 20 թուրքական լիրա փոխանցել բանկային հաշվին:

Դամաթի այդ գրառումը իշխող Ադարություն և զարգացում կուսակցության հետևորդների բուռն քննադատությանն է ենթարկվել, ինչի հետևանքով 1 անձի կողմից դանակահարվել է: Տուժածը թեթև վնասվածք է ստացել:

Ոստիկանությունը դեպքի առթիվ քրեական գործ է հարուցվել:

Նշենք, որ Գյոքնուր Դամաթը որոշ ժամանակ առաջ տառապում էր կրծքագեղձի քաղցկեղով: Նախագահ Էրդողանը այդ հիվանդության դեմ պայքարելու համար նրան իր հոգեզավակն էր հայտարարել:

Հիշեցնենք, որ Իմամօղլուն մարտի 31-ին Թուրքիայում տեղի ունեցած ՏԻՄ ընտրություններում Ստամբուլի քաղաքապետ էր ընտրվել, սակայն կարճ ժամանակ անց Կենտրոնական ընտրական հանձնաժողովի կողմից ընտրության արդյունքները չեղյալ էին հայտարարվել։

Աղբյուր` Habersol.org

Ermenihaber.am