Չավուշօղլուն հայտարարել է Թրամփի՝ Թուրքիա այցելելու մտադրության մասին

Թուրքիայի արտգործնախարար Մևլութ Չավուշօղլուն խոսել է ԱՄՆ–ի նախագահ Դոնալդ Թրամփի՝ Թուրքիա կատարելիք հնարավոր այցի մասին։

Չավուշօղլուի խոսքով, երկու նախագահների միջև կայացած վերջին հեռախոսազրույցը դրական մթնոլորտում է անցել, թեև երկու երկրների միջև կան մի շարք անհամաձայնություններ։

Նշելով, որ Թրամփը ցանկանում է պաշտոնական այց կատարել Թուրքիա, Չավուշօղլուն ասել է.

«Առայժմ հայտնի չէ, թե երբ կլինի այցը։  Այդ հանդիպման ժամանակ անշուշտ կքննարկվի Սիրիայի քրդական ուժերի, գյուլենական համայնքի, ռուսական S-400 ՀՕՊ համակարգերի, ինչպես նաև ամերիկյան նոր սերնդի F-35 կործանիչների հարցը»։

Ըստ Թուրքիայի արտգործնախարարի` քննարկվելու են նաև թուրք-ամերիկյան տնտեսական հարաբերություններին առնչվող հարցեր։

Աղբյուր` TRT Haber

Ermenihaber.am