Աֆրինում մնացած վերջին հայն էլ է ստիպված եղել գաղթել

Թուրքական պետությունն ու ավազակները Աֆրինում մնացած վերջին հայ Հարութ Գևորգի տունը խլել ու մզկիթի են վերածել:  

Արֆինի գրավումից հետո  թուրքական պետությունն ու ավազակախմբերը շարունակում են բռնագրավել, թալանել, բռնաբարել ու ամեն տեսակ անմարդկային արարքներ գործել այնտեղ: Մինչև օրս թուրքական պետության ավազակները հազարավոր ընտանիքներից խլել են  նրանց տունն ու ունեցվածքը, այս անգամ էլ` Աֆրինում մնացած վերջին հայի տունն ու ունեցվածքն են խլել:

Հարութ Գևորգի ընտանիքը Օսմանյան կայսրության կողմից 1915 թ. կատարված Հայոց ցեղասպանության պատճառով ստիպված Աֆրին գաղթած հարյուր հազարավոր հայ ընտանիքներից մեկն է: 1915 թ. հետո Աֆրինում ապրող ու ապրուստը մետաղական նյութերի վաճառքով վաստակող Գևորգի տունը, խանութն ու ողջ ունեցվածքը թուրք ավազակները խլել են:  Դեռ ավելին` տունը, որը գտնվում է Ջինդարիսի ճանապարհի եզրին, վերածել է մզկիթի ու անվանել` Էլ-Ֆարուք:

Տեղեկացել ենք, որ ավազակների կողմից հարձակումների ու ճնշումների ենթարկվելուց հետո Գևորգը Աֆրինից գաղթել է Հալեպ:

https://anfturkce.com/rojava-surIye/efrin-deki-son-ermeni-de-goec-etmek-zorunda-kaldi-122823

Թարգմանեց Անի Մելքոնյանը

Akunq.net