Էդիրնեի սինագոգում բացվել է «Հայ համայնքը» խորագրով ցուցահանդես

Էդիրնեում բնակվող հայերի նկարներից ու նամականիշերից կազմված «Էդիրնեն ու հայ համայնքը» խորագրով ցուցահանդեսը բացվել է Էդիրների Մեծ սինագոգի մշակույթի ու արվեստի տանը: Այդ մասին, Akunq.net-ի փոխանցմամբ, հաղորդում  է CNN TURK լրատվական գործակալությունը:

 Արմատներով Էդիրնեից Ֆրանսիայում բնակվող Ռոյ Առաքելյանի որդիները նրա գրքի հիման վրա ցուցահանդես են կազմակերպել: Ցուցահանդեսի պատասխանատուն է Ռաքել Մեշուլամը: Միջոցառման բացման արարողությանը ներկա են գտնվել Էդիրների անվտանգության պետ Ալի Քեմալ Քուրթը, Էդիրների հիմնադրամների շրջանային տնօրեն Օսման Գյուներենը, Թուրքիայի հրեական համայնքի ժամանակավոր ղեկավարներից Սիլվյո Օվադյան և այլք: Բացի այդ` միջոցառման ավարտին համերգով հանդես է եկել Թրակիայի համալսարանի բալկանյան սինֆոնիկ նվագախումբը: Ցուցահանդեսը բաց է մինչև սույն թվականի ապրիլի 28-ը:

Պատրաստեց Անի Մելքոնյանը

Akunq.net