Հայաստանի դիվանագիտական ներկայացուցչությունների ընդլայնումը երկրի արտաքին քաղաքականության գործունեության օրակարգում է: Մարտի 20-ին կայացած մամուլի ասուլիսում այս մասին ասաց ԱԳՆ մամուլի քարտուղար Աննա Նաղդալյանը՝ պատասխանելով Իսրայելում դեսպանատուն բացելու Երեւանի մտադրության մասին հարցին:
Մամուլի քարտուղարը հիշեցրեց, որ անցյալ տարվա հոկտեմբերին իսրայելական լրատվամիջոցի հետ հարցազրույցում նման հնարավորության մասին հայտարարել է ԱԳ նախարարը: Գործընթացի զարգացման, ինչպես նաեւ այցերի մասին հասարակությունը կտեղեկացվի, հավելեց ԱԳՆ մամուլի քարտուղարը:
Ինչ վերաբերում է Թուրքիայի եւ Իսրայելի միջեւ լարված բանավեճում Հայոց ցեղասպանության հիշատակմանը, ապա Աննա Նաղդալյանը ընդգծեց, որ Հայոց ցեղասպանությունն անվիճելի փաստ է, որի ճանաչումն ու դատապարտումը բարոյական պարտք է: Նա, միաժամանակ, շեշտեց, որ հարցը չպետք է դառնա շահարկումների թեմա:
Leave a Reply