Պոլսո պատրիարքի մահը մեծ կորուստ էր հայերի ու թուրքերի համար․ թուրք պատմաբան

Պոլսո հայոց պատրիարք, արք․ Մեսրոպ Մութաֆյանի մահվանն է անդրադարձել թուրք հայտնի պատմաբան, Թուրքիայի մշակույթի եւ տուրիզմի նախարարի խորհրդական, Hürriyet թերթի սյունակագիր Իլբեր Օրթայլըն։

Թուրքական Hürriyet-ի սյունակում Իլբեր Օրթայլն Պոլսո հայոց պատրիարքի մահը մեծ կորուստ է անվանել հայերի ու թուրքերի համար։ «Մութաֆյանն իր ակադեմիական կրթության տեսանկյունից պատրիարք Օրմանյանից հետո յուրահատուկ անձ կարելի է համարել։ Նա հայերենին եւ թուրքերենին գերազանց տիրապետելուց բացի, հրաշալի տիրապետել է անգլերենին, գերմաներենին եւ եբրայերենին։ Մեսրոպ Սրբազանը, ինչպես ընդունված է նրան անվանել, միշտ հարգանքով է վերաբերվել Թուրքիայի աշխարհիկ օրենքներին։

https://news.am/arm/news/501980.html