Բուենոս Այրեսում Հայոց ցեղասպանությանը նվիրված թանգարան կկառուցվի

Արգենտինայի մայրաքաղաք Բուենոս Այրեսի քաղաքապետարանը հավանություն է տվել Հայոց ցեղասպանությանը նվիրված թանգարանի կառուցմանը, գրում է Asbarez.com–ը։

Թանգարանը կկառուցվի Հայոց ցեղասպանության հիշատակի հիմնադրամի կողմից՝ մայրաքաղաքի Պալերմո արվարձանում հայկական համայնքի կենտրոնին մոտ Գուրրուչագա փողոցում։

Քաղաքապետարանը հիմնադրամին թանգարանի կառուցման համար 30 տարի է հատկացրել, որը կարող է երկարաձգվել։

Թանգարանի շրջանակում կստեղծվի նաև Արգենտինայում հայկական հետքի արխիվ, ինչպես նաև ցեղասպանության գրադարան և արխիվ։

Արգենտինան Հայոց ցեղասպանությունը ճանաչած առաջին երկրների շարքում է։ 1987 թ․ երկրի նախագահ Ռաուլ Ալֆոնսինը Օսմանյան Թուրքիայի կողմից 1915-1923 թթ․ իրականացված 1,5 մլն հայերի կոտորածը ցեղասպանություն է որակել։

2007թ․ Արգենտինայում ապրիլի 24-ը, ի հիշատակ Հայոց ցեսապանության, մարդկանց միջև հանդուրժողականության և հարգանքի օր է հռչակվել։

https://www.tert.am/am/news/2019/03/19/Genocide-Museum/2951352?fbclid=IwAR07o72ETwQ09e0HGodS4pfrc_onfW40PTTYyVxPQFB-_qfp_P8l4CFH3Qg